დამუხტვა:

მითი, რომ "ელემენტისთვის უმჯობესია თუკი ბოლომდე დავტენით და ბოლომდე დავცლით” ეხებოდა ნიკელის ტიპის ელემენტებს. თანამედროვე მოწყობილობები Lithium-ion ტიპის ელემენტებით არის აღჭურვილი, რომლებიც განსხვავებულ მოპყრობას საჭიროებენ. ბოლომდე დამუხტული ელემენტის ბოლომდე დაცლა და ასე უსასრულოდ მას აზიანებს. დაზიანება გამოიხატება მისი სიცოცხლისუნარიანობის შემცირებაში, თუმცა კალიბრაციისთვის  თვეში ერთხელ სრულად დამუხტვა და დაცლა სასურველია.

ერთი სიტყვით უმჯობესია, თუ მოწყობილობას განვაკავშირებთ კვების წყაროსგან სანამ დამუხტვის მაჩვენებელი 100%-ს მიაღწევს. რეკომენდირებული მონაკვეთ გახლავთ 40-90%.

ტემპერატურა:

ძველ დამუხტვად ელემენტებთან შედარებით Lithium-ion ელემენტებს კიდევ ერთი მტერი ჰყავთ – სიცხე. სმარტფონის ელემენტის დეგრადირებას აჩქარებს მაღალი ტემპერატურა. არ აქვს მნიშვნელობა სმარტფონი უბრალოდ თაროზე იდება თუ სამუშაოდ რეჟიმში იქნება.

0 გრადუს ცელსიუსზე ლითიუმ ელემენტი წლის განმავლობაში მოცულობის 6%-ს კარგავს, 25 გრადუსზე ეს მაჩვენებელი იწევს 20%-ზე, ხოლო 40 გრადუსზე 35%-ზე.

აღნშნული არ ნიშნავს იმას, რომ მოწყობილობა მიანცდამაინც მაცივარში მოათავსოთ. უბრალოდ ეცადეთ მოარიდოთ ცხელ მანქანაში დებას, მზეზე მისი დიდი ხნით დატოვებას და სხვა.

უკაბელო დამუხტვა:

მოწყობილობის უკაბელო დამუხტვა საზიანოა ელემენტისთვის, გამომდინარე იქიდან, რომ დამტენების უმეტესობა გარკვეული რაოდენობის სითბოს გამოჰყოფს.

არასოდეს დაიყვანოთ ელემენტი 0%-ზე:

იმისთვის, რომ არ შეამციროთ ლითიუმ ელემენტის სიცოცხლისუნარიანობა, არასოდეს დაიყვანოთ ბატარეის მაჩვენებელი 0%-ზე. ეცადეთ, რომ მაჩვენებელი ახლოს იყოს 40%-თან, რადგან როდესაც ლითიუმ ელემენტი ჩამოდის 0-5%-ზე, ხდება საკმაოდ არასტაბილური როგორც მუშაობის, ასევე დამუხტვის პროცესში.